ಗೆದ್ದೆಯೊ ಹನುಮಂತಾ-ಅಸುರರ

ಗೆದ್ದೆಯೊ ಹನುಮಂತಾ-ಅಸುರರ

ಒದ್ದೆಯೊ ಬಲವಂತಾ ಪ

ಬದ್ಧಾಂಜಲಿಯಿಂದ ರಘುಪತಿ ಪಾದವ

ಹೃದ್ಯದಿ ಭಜನೆ ಮಾಡುವ ಬುದ್ಧಿವಂತ ಅ.ಪ

ಅಂಜನಿಸುತನೀತ-ಲಂಕಾಪುರದಿ-ಅಕ್ಷಯನ ಕೊಂದಾತ ||

ಕಂಜಾಕ್ಷಿ ಸೀತೆಯ ಕಂಡು ಮುದ್ರಿಕೆಯಿತ್ತು |

ಮಂಜುಳವಾರೆಯ ತಂದ ರಾಮನ ದೂತ 1

ಈರೇಳು ಜಗದೊಳಗೆ-ಇನ್ನು ಮತ್ತೆ ಯಾರು ಸರಿಯೊ ನಿನಗೆ

ವೀರ ಮಹಾಬಲ ಶೂರ ಪರಾಕ್ರಮ |

ಧೀರ ಸಮೀರ ಉದಾರ ಗಂಭೀರ 2

ವಾಂಛಿತ ಫಲವೀವ-ನಾದ ಮುಖ್ಯ- ಪ್ರಾಣ ಮಹಾನುಭಾವ ||

ಕಿಂಚಿತ್ತು ಕಷ್ಟವ ಪಡಲೀಸ ಭಕ್ತರ್ಗೆ |

ಪಾಂಚಜನ್ಯ ಪುರಂದರ ವಿಠಲದಾಸ 3