ನಂಬಿದೆ ನಿನ್ನ ಪಾದವ - ವೆಂಕಟರಮಣ nambide ninna paadava

ನಂಬಿದೆ ನಿನ್ನ ಪಾದವ - ವೆಂಕಟರಮಣ

ನಂಬಿದೆ ನಿನ್ನ ಪಾದವ || ಪ

ನಂಬಿದೆ ನಿನ್ನ ಪದಾಂಬುಜಯುಗಳವ

ಇಂಬಿತ್ತು ಸಲಹಯ್ಯ ಶಂಖ-ಚಕ್ರಧರನೆ . ಪ

ತಂದೆಯು ನೀನೆ ತಾಯಿಯು ನೀನೆ

ಬಂಧು ಬಳಗವು ನೀನೆ ||

ಬಂದ ದುರಿತವೆನ್ನ ಹೊಂದಿಕೊಳ್ಳದಂತೆ

ತಂದೆ ಸಲಹೊ ಮುಕುಂದ ಮುರಾರಿ 1

ಚಿಕ್ಕಂದು ಮೊದಲು ನಾನು ನಿನ್ನಯ ಪಾದ

ಹೊಕ್ಕು ಜೀವಿಸುತಿಹೆನು ||

ಗಕ್ಕನೆ e್ಞÁನವನಕ್ಕರೆಯಲಿ ಕೊಡು

ಮಕ್ಕಳ ಮಾಣಿಕ್ಯ ರುಕ್ಮಿಣಿಯರಸಾ 2

ಮರೆತು ನಾ ಮಾಯೆಯೊಳು ಮುಳುಗಿದೆ ಅದ

ನರಿತು ಅರಿಯದಾದೆ ||

ಮರೆಯದೆ ಎನ್ನನು ಪೊರೆಯೆ ಕೃಪಾನಿಧಿ

ವರದ ಶ್ರೀವೆಂಕಟ ಪುರಂದರ ವಿಠಲ 3