ವಂದಿಸಿದವರೆ ಧನ್ಯರು vandisidavare dhanyaro

ವಂದಿಸಿದವರೆ ಧನ್ಯರು - ನಮ್ಮ - |

ಇಂದಿರಾಪತಿಗಡ್ಡ ಬೀಳುತಲೊಮ್ಮೆ ಪ.

ಒಂದೊಂದು ಸ್ತೋತ್ರದಿ ಒಂದೊಂದು ಮಂತ್ರದಿ |

ಒಂದೊಂದು ನಾಮವ ನೆನೆಯುತಲಿ ||

ಮಂದರೋದ್ಧರನನು ಕುಂದದೆ ಪೂಜಿಸಿ |

ವಂದಿಸುವಾನಂದದಿಂದ 1

ಬಿಟ್ಟು ಲಜ್ಜೆಯನು ದೃಷ್ಟಿಸಿ ನೋಡುತ |

ವಿಟ್ಠಲ ವಿಟ್ಠಲ ಎನುತ ಮನ - ||

ಮುಟ್ಟಿ ಮಾಡುವ ಭಕ್ತಿ - ಸ್ತೋತ್ರ - ಸ್ತುತಿಗಳಿಂದ |

ಅಷ್ಟಾಂಗದಲಿ ವಂದನೆಯ ಮಾಡುತಲಿ 2

ಸಿರಿಲಕ್ಷ್ಮೀಪತಿ ಶರಣಾಗತರನು |

ಕರುಣಿಸೆಂದೆನುತ ಕರವ ಮುಗಿದು ||

ಹರುಷ ಪುಳಕದಿಂದ ಹೊರತ ದೇಹವನು ಶ್ರೀ - |

ಪುರಂದರವಿಠಲರಾಯನ ಚರಣಕೆ 3