ರಕ್ಷಿಸೋ ಲೋಕನಾಯಕನೆ rajshisho lokanaayakane

ರಕ್ಷಿಸೋ ಲೋಕನಾಯಕನೆ-ನೀ ಎನ್ನ-

ರಕ್ಷಿಸೋ ಲೋಕನಾಯಕನೇ ಪ

ಎಷ್ಟೆಷ್ಟು ಜನ್ಮ ಕಳೆದೆನೋ ಇ

ನ್ನೆಷ್ಟೆಷ್ಟು ಜನ್ಮ ಪಡೆವೆನೋ ||

ಕಷ್ಟವ ಪಡಲಾರೆ ಕೃಷ್ಣ ಕೃಪೆಯನಿಟ್ಟು

ಇಷ್ಟವ ಪಾಲಿಸು ಇಭರಾಜವರದನೆ 1

ಬಾಲತನದಿ ಬಹು ಬೆಂದೆನೋ ನಾನಾ

ಲೀಲೆಯಿಂದಲಿ ಕಾಲ ಕಳೆದೆನೋ ||

ಲೋಲ ಲೋಚನ ಎನ್ನ ಮೊರೆಯ ಕೇಳುತ ಬೇಗ

ಜಾಲವ ಮಾಡದೆ ಪಾಲಿಸೈ ನರಹರಿ2

ಮುದುಕನಾಗಿ ಚಿಂತೆಪಡುವೆನೋ ನಾ

ಕದಡು ದುಃಖವ ಪಡಲಾರೆನೋ ||

ಸದರವಲ್ಲವು ಶ್ರೀ ಪುರಂದರ ವಿಠಲ

ಮುದದಿಂದ ರಕ್ಷಿಸೊ ಖಗರಾಜಗಮನ 3