ಇದೇ ಪೇಳಿ ಪೋದರು ವಿಧುವದನೆ ide heli pidaru vibhudarane

ಇದೇ ಪೇಳಿ ಪೋದರು ವಿಧುವದನೆ

ನಮ್ಮ ಬುಧನುತ ಪದದ ನಾರದರು ಈ ಜಗದಿ ಬಂದು ಪ

ಸಿರಿ ಅರಸನೆ ಈ ಧರೆಯೊಳಗುತ್ತಮ

ಮರುತ ದೇವರೆ ಜಗದ್ಗುರುಗಳೆಂದು

ತರತಮ ಪಂಚಭೇದ e್ಞÁನಶೀಲನೆ

ಸುರಲೋಕವಾಸಿ ಶ್ರೀ ಹರಿ ಪ್ರೇಮ ಪಾತ್ರನೆಂಬೊದೆ ಪೇಳಿ 1

ಜರದೂರ ನರಹರಿ ಧರೆಯೊಳು ವ್ಯಾಪಿಸಿ

ಇರಲು ತ್ರಿಗುಣ ಕಾರ್ಯವಾಹವೆನ್ನುತಾ

ಪರತಂತ್ರ ಜೀವವೆಂದರಿದು ಪಾಪ ಪುಣ್ಯ

ಸರಸಿಜನಾಭನಿಗರ್ಪಿಸಿ ಒಟ್ಟಿಗೆ ಬರಬೇಕು ಯೆಂದು 2

ಸಿರಿಗೋವಿಂದ ವಿಠಲ ವಿಶ್ವವ್ಯಾಪಕ

ಗಿರುವವು ಎರಡು ಪ್ರತಿಮೆ ಜಗದಿ

ಚರ ಅಚರಗಳನ್ನು ಅರಿತು ಮಾನಸದಲ್ಲಿ

ಹರಿ ಪೂಜೆ ಮಾಡಿ ಸೇರಿರಿ ವೈಕುಂಠವೆಂಬೊದೆ

ಪೇಳಿ ಪೋದರು 3