ಆ ವೆಂಕಟಗಿರಿನಿಲಯನಂಘ್ರಿ aa venkatagirinilayanangri

ಆ ವೆಂಕಟಗಿರಿನಿಲಯನಂಘ್ರಿ ರಾ

ಜೀವಯುಗಳಗಾನಮಿಸುವೆನು ಪ

ಸೇವಿಪ ಜನರಿಗಮರ ತರುವೆನಿಸಿ ಧ

ರಾವಲಯಾಖ್ಯ ದಿವಿಯೊಳೆಸವ ಅ.ಪ.

ಅವನಂಘ್ರಿ ಜಲ ನಿಖಿಳ ಜಗತ್ತಿಗೆ

ಪಾವನತರವೆಂದೆನಿಸುವುದು

ಶ್ರೀ ವಿಧಿಭವ ಶಕ್ರಾದ್ಯರು ಆವನ

ಸೇವಕ ಸೇವಕರೆನಿಸುವರು

ತಾ ಉತ್ತಮ ಪುರುಷನೆನಿಸಿ ಜಗವ ಸ

ದಾವಕಾಲ ಸಂತೈಸುವನು

ಜೀವಾಂತರ್ಗತನಾಗಿ ವಿವಿಧ ವೇ

ದಾವಳಿಯಿಂದ ತುತಿಸಿ ಕೊಂಬಾ 1

ಪಾತನೊಳಹಿಪ ವಿರೋಧಿಸೆ ತವಸ

ತ್ವಾತಿಶಯನ ತೋರೆಂದೆನುತಾ

ಜಾತರೂಪ ಶೈಲಾತ್ಮಜನಪ್ಪಿರೆ

ವೀತಿ ಹೋತ್ರ ಸಖ ಕಿತ್ತೊಗೆಯೆ

ವೀತ ಕರ್ನನಳವಳಿದು ವೇಗ

ಧಾತ ಮಹಿಳೆ ತೀರ್ಥದಿ ಭೂ ಲಕ್ಷ್ಮೀಸ

ಮೇತನಾಗಿ ಮೋದಿಸುತಿಪ್ಪೆ 2

ಭೂಸುರನೊರ್ವನು ತೊಂಡಮಾನ ಧರ

ಣೀಶÀನ ನಿಲಯದೊಳುಳುಹಿ ಸತಿಯ

ಕಾಶಿಗೆ ಪೋಗಲು ನೃಪತಿ ಮರೆಯೆ ನಿ

ಶ್ವಾಸ ವನೈದಿದಳಾ ಸತಿಯು

ಆ ಸಮಯದಿ ದ್ವಿಜವರ್ಯನು ಬೆಸಗೊಳೆ

ಕ್ಲೇಶದಿ ಭೂಮಿಪ ಸಂಸ್ತುತಿಸೆ

ಕೇಶವ ತಾನಸ್ಥಿಗಳ ತರಿಸಿ ಸು

ವಾಸಿನಿ ಶಿಶು ಸಹ ಒಲಿದಿತ್ತಾ 3

ವೃದ್ಧ ಬ್ರಾಹ್ಮಣನು ತುತಿಸೆ ಸಲಿಲದೊಳ

ಗದ್ದಿ ಕುಮಾರತ್ವವನಿತ್ತ

ಅಧ್ವರವೆಸಗಿದ ಋಷಿಗಳ ಮಂತ್ರದ

ಪದ್ದತಿ ತಿದ್ದಿಯಜ್ಞವ ಮಾಡ್ದ

ಮಧ್ಯರಾತ್ರಿಯೊಳು ಬೆಸಗೊಂಡ ನೃಪನು

ಪದ್ರವ ಕಳೆದಾಯುಧವಿತ್ತು

ಮೃದ್ಭಾಂಡವ ರಚಿಸುವನಿಗೊಲಿದವನ

ಚೋದ್ಯ ತೋಂಡಮಾನಗೆ ತೋರ್ದ 4

ಮನವಾಕ್ಕಾಯದಿ ಬಿಡದೆ ಸೇವಿಸುವ

ಜನರ ಸಂಚಿತ ಕುಕರ್ಮಗಳ

ಮನೆಯ ಮುರಿದು ಆಗಾಮಿ ಫಲಂಗಳ

ಅನುಭವಕೀಯದೆ ಪ್ರಾರಬ್ದಾ

ಉಣಿಸಿ ಸುಲಭದಲಿ ತನ್ನ ಮೂರ್ತಿ ಚಿಂ

ತನೆ ಇತ್ತು ಸ್ವರೂಪಸುಖಾ

ಅನುದಿನದಲಿ ವ್ಯಕ್ತಮಾಡಿಸಿ ಕೊ

ಟ್ಟನಿಮಿತ್ತಾಪ್ತನೆನಿಸುತಿಪ್ಪ 5

ಏಕಮೇವ ರತ್ನಾಕರ ಮಂದಿರ

ಆಕೂತಿಜ ಯe್ಞÁಕರನೇ

ಲೊಕವಿಲಕ್ಷಣ ಸೂಕರಾತ್ಮ ಪಿ

ನಾಕಿ ವಿನುತ ಲಕ್ಷ್ಮೀ ಕಾಂತಾ

ಗೋಕುಲ ಮಂದಿರ ಏಕಾಂತಿಗಳ ನಿ

ರಾಕರಿಸಿದೆ ಲೋಕೈಕ ಸುಖ

ಶೋಕ ರಹಿತ ನಿಜಲೋಕವಿತ್ತು ನಿ

ರಾಕುಲ ಸುಖಗಳ ತಾ ಕೊಡುವಾ 6

ದಿನಪನೊಳಗೆ ವೃಜಿನಿ ವಸು ತಾ ಎಂ

ದೆನಿಸಿ ಜಯಾಪತಿ ಪ್ರದ್ಯುಮ್ನ

ಅನಿರುದ್ಧಾದಿ ಚತುರ್ಮೂತ್ರ್ಯಾತ್ಮಕ

ತನಗೆ ತಾನೆ ಪೂಜಕ ಪೂಜ್ಯ

ಅನುಪಮ ನಾಮದಿ ಕರೆಸುತಲಿಹ ತ

ನ್ನನು ಈ ಪರಿಧೇನಿಸುತಿಪ್ಪ

ಮನುಜರಿಗೊಲಿದು ಜಗನ್ನಾಥವಿಠ್ಠಲ

ಜನನ ಮರಣಗಳ ಪರಿಹರಿಪಾ 7