ರಾಮ ಗೋವಿಂದ Rama govinda

ರಾಮ ಗೋವಿಂದ ಹರೇ ಕೃಷ್ಣ ಗೋವಿಂದ

ದಾಮೋದರ ಹರಿ ವಿಷ್ಣು ಮುಕುಂದ || ಪ ||

ಮಚ್ಚವತಾರದೊಳಾಡಿದನೆ

ಮಂದರಾಚಲ ಬೆನ್ನೊಳ ಗಾಂತವನೆ

ಅಚ್ಚ ಸೂಕರನಾಗಿ ಬಾಳಿದನೆ

ಮದ ಹೆಚ್ಚಿ ಹಿರಣ್ಯಕನ ಸೀಳಿದನೆ || ೧ ||

ಬಲಿಯೋಳು ದಾನವ ಬೇಡಿದನೆ

ಕ್ಷಾತ್ರ ಕುಲವ ಬಿಡದೆ ಕ್ಷಯ ಮಾಡಿದನೆ

ಜಲನಿಧಿಗೆ ಬಿಲ್ಲ ಹೂಡಿದನೆ

ಕಾಮ ಕೊಲಿದು ಗೊಲ್ಲತಿಯೋಳ್ ಆಡಿದನೆ || ೨ ||

ಸಾಧಿಸಿ ತ್ರಿಪುರರ ಗೆಲಿದವನೆ

ಪ್ರತಿವಾದಿಸಿ ಹಯವೇರಿ ನಲಿದವನೆ

ಭೇದಿಸಿ ವಿಶ್ವವ ಗೆಲಿದವನೆ

ಬಾಡದಾದಿ ಕೇಶವರಾಯ ನಮಗೊಲಿದವನೆ || ೩ ||