ಒದಗಿ ಪಾಲಿಸೊ odagi paliso

 ಪದ್ಮನಾಭ ತೀರ್ಥರು


ಒದಗಿ ಪಾಲಿಸೊ ಭವಾಂಬುಧಿಯ ದಾಟಿಸೊ ||pa||

ಮದನ ಜಿತ ಭೂಸುರ ಶರಣ್ಯ |ಪದುಮನಾಭ ಯತಿವರೇಣ್ಯ ||a.pa||

ಸದ್ಯ ದೊಡ್ಡ ಮಾತು ಅಪ್ರ |ಬುದ್ಧನಾ ನುಡಿಯೆ ಕೇಳು ||
ಮಧ್ವ ದ್ವೇಷಿಗಳಲಿ ಎನ್ನ |ವಿದ್ಯೆ ತೋರಿ ಬದುಕದಂತೆ||1||

ಒಡಲಿನಾಸೆಗಾಗಿ ಕಂಡ |ಕಡೆಗೆ ತಿರುಗಿ ಪ್ರಾಪ್ತಿಯೆಂಬು ||
ದುಡುಗಿ ಪೋಗಿ ಕೊನೆಗೆ ಮನೆಗೆ |ಮಿಡುಕಿಕೊಳುತ ಬರುವಧಮನ ||2||

ಹಾನಿ ಲಾಭ ಕ್ಲೇಶ ಮೋದ |ವೇನು ಆವ ಕ್ಷಣಕೊದಗಲು ||
ಪ್ರಾಣೇಶ ವಿಠಲ ಕರುಣೆಯಿಂದ |ತಾನೆ ಕೊಟ್ಟನೆಂಬ ಸುಮತಿ ||3||