ಅಂಜಬೇಡ ಬೇಡವೆಲೆ Anjabeda bedavale

ಅಂಜಬೇಡ ಬೇಡವೆಲೆ ಜೀವ - ಭವ - |

ಭಂಜನ ಹರಿಶರಣರ ತಾವ ಪ.

ಬಂದಷ್ಟರಿಂದಲಿ ಬಾಳಿಕೊ - ಬಲು - |

ಸಂದೇಹಬಂದಲ್ಲಿ ಕೇಳಿಕೊ ||

ನಿಂದಾ - ಸ್ತುತಿಗಳನು ತಾಳಿಕೊ - ಗೋ - |

ವಿಂದ ನಿನ್ನವನೆಂದು ಹೇಳಿಕೊ 1

ಮಾಧವನಿಗೆ ತನುಮನ ಮೆಚ್ಚು - ಕಾಮ - |

ಕ್ರೋಧಾದಿಗಳ ಕಲಿಮಲ ಕೊಚ್ಚು ||

ಮೋದತೀರ್ಥವಚನವೆ ಹೆಚ್ಚು - ಮಾಯಾ

ವಾದಿಮತೆಕೆ ಬೆಂಕಿಯ ಹಚ್ಚು 2

ಪರವನಿತೆಯ ರಾಶಿಯ ಬಿಡು - ನೀ

ಹರಿಸರ್ವೋತ್ತಮನೆಂದು ಕೊಂಡಾಡು ||

ಪರಮಾತ್ಮನ ಧ್ಯಾನವ ಮಾಡು - ನಮ್ಮ - |

ಸಿರಿ ಪುರಂದರವಿಠಲನ ನೀ ನೋಡು 3